有家長問可唔可以單選操卷課程?

劉sir教室回答：

你好呀，多謝你詢問先 。 當然可以單選操卷課程，不過一般嚟講我哋會建議精讀課程先行，操卷課程配合。簡單同你講吓兩者分別：

操卷課程假設學生本身已經有底，

主力操考試題型、教拆題技巧、答題邏輯鏈、捉關鍵字、跟評分準則答同避開失分位，

將學過嘅嘢「實戰」出嚟；

而精讀課程就適合課堂聽唔明或聽得明但唔識用嘅學生，幫佢濃縮重點，將「明」變成「用得返」，甚至預習未教嘅嘢。

一般如果學生對課程內容未係好熟，我哋會建議先上精讀打好底，再配合操卷，咁先容易進步。

Band 1C或以下中學嘅學生，除非考到頭10名內，證明底子同應試能力穩陣，否則我哋好少直接建議跳過精讀就齋操卷——操卷係用嚟「操熟」，唔係用嚟「由頭學」㗎。

不過都想補充，如果完全冇基礎就直接入操卷，其實都唔係話唔得，有啲學生覺得可以喺操卷過程中一邊做一邊學返概念同應用，一舉兩得。但呢個做法一般需要較長時間，通常適合每星期、每科起碼有6個鐘頭操卷嘅學生，如果時間安排到都係可行嘅。

總之我哋會睇返學生實際程度，幫佢規劃最啱嘅學習路線，逐級上先穩陣進步。當然如果要速成，就可以考慮私人定制課程。每個學生要求唔同，我哋都有課程配合任何選擇 。

不過唔使擔心，以上講嘅都係一般情況，到時仔仔上完第一堂，會再同你詳細傾吓佢嘅實際表現同進度，再一齊睇吓點調整最適合佢～
想問吓，你係咪打算俾仔仔由操卷課程開始？等我哋一齊支持佢學習。