上到中一跟唔上點算？我哋可以幫你.........
想知你哋提供邊啲科目嘅補習？
平時（非考試月份）
我哋主力補 數學 同 Science（IS），呢兩科最易令學生有成就感
但一到考試期間（校內試、UT）
就會全面開放所有科目，幫學生短暫衝刺，考試前攞到分數，唔好拖低平均分
另外，如果同學每星期平均上到3堂或以上，仲可以包括埋 語文科,中英文科，平衡男孩子對語文科嘅抗拒感
想知點樣報名？
報名流程好簡單
WhatsApp6308 3327聯絡我哋，講低學生嘅年級同想補嘅科目
確認上堂時間（星期幾／時段）
選擇合適嘅課程
想知點樣預約上堂時間？
我哋係行預約制嘅
因為中學學生嘅時間比較彈性，所以我哋會盡量配合返學生嘅學習時間嚟安排
家長只需要話畀我哋方便嘅星期幾同時段，我哋就會盡量配合
想知常規專科（月費）包唔包功課輔導？
包㗎，我哋嘅常規專科課程本身已經包咗功課輔導嘅部分。
具體做法係咁嘅：
如果學生有功課唔識做，我哋會直接利用佢嘅功課作為教材，
透過佢做功課嗰陣遇到嘅困難，精準咁睇到佢邊個概念未清、邊個位卡住咗
然後我會針對性咁講解，幫佢釐清概念，而唔係淨係俾個答案佢就算。
我哋嘅重點並唔係「交到功課交差」，
而係透過功課去鞏固知識，等學生真正理解課題嘅核心概念，
下次遇到類似嘅題目都識得自己處理
簡單啲講：功課係我哋嘅「教材」，學生嘅弱點就係我哋嘅「教學重點」，咁樣先有效率和針對性確保學生唔會齋做功課，而係每堂都有得著、有進步
想知會唔會出練習俾學生返屋企做？
我哋嘅做法同傳統補習社有少少唔同
我哋唔會印練習俾學生返屋企做，因為我哋著重嘅係學生真係明白概念之後，能夠正確咁應用出嚟。
如果學生嘅概念未清，就咁畀練習佢返屋企做，萬一佢用錯嘅方法去做，就會越做越錯，到頭來只係浪費時間同心機，仲要鞏固咗錯誤嘅概念，反而仲難糾正
所以我哋嘅做法係：所有練習都會喺堂上面完成，由我哋喺旁邊睇住佢做，確保佢每一步嘅應用都正確，即時發現問題、即時糾正
返到屋企，我哋反而鼓勵學生 溫習返堂上做過嘅嘢，而唔係盲目做新練習。
因為中學嘅學習模式同小學好唔同，小學可能「做得多就識」，但中學嘅題目千變萬化，盲目操練而唔理解背後概念，通常都係白費心機
我哋嘅目標係幫學生 建立正確嘅解題思維，而唔係靠死做爛做嚟換取一時嘅分數。
唔係樣樣努力都有意義嘅，向住一個正確嘅方向努力，成績先至會有進步
想知月費計劃係點樣運作？
月費計劃係 一個月上晒整個計劃 嘅
主要目的係幫學生 平時Keep住進度，到考試嘅時候會 另外加開精讀課程 提升水平
而且月費課程 係限時數，唔係限科目㗎～
例如參加 每個月8堂（每堂1.5小時），即係總共 12個鐘，
家長可以 自由分配呢12個鐘嘅科目比例，例如今個星期主力數學、下星期多啲IS，全部都係彈性處理嘅～
想知除咗常規專科（月費）課程，仲有其他課程選擇嗎？
有! 我哋仲提供以下課程，配合唔同學生嘅需要：
精讀課程：教授課程嘅主要概念同內容，適合需要重點溫習嘅學生
密集課程：速成理解考試範圍、知識嘅應用，適合考試前衝刺
挑戰拆題：鍛鍊應付高轉數同深層分析嘅題目，適合想挑戰高分嘅學生
私人定制補習：根據學生獨特需要，度身訂造學習方案，速成達標
想知一堂有冇得揀1個鐘？
可以㗎
因為中一學生啱啱升上去，我哋明白佢哋可能要時間適應，所以我哋可以彈性處理：
如果參加月費計劃（一個月四堂，每堂個半鐘），你可以選擇：
✅ 常規：一星期一次，每次個半鐘
✅ 或者將嗰四堂 拆開做六堂（即係每堂約1小時），咁就可以密啲上堂、keep住進度
想知考試前會唔會有特別安排？
會， 月費計劃本身已經包咗平時Keep住進度，到考試前我哋會另外加開精讀課程，幫學生重點重溫考試範圍、操練試題，提升水平嚟應付考試
想知會唔會同學校進度掛勾？
會㗎，我哋嘅教學內容略為超前學校嘅進度嚟行，學生喺學校教到邊，我哋就會同步溫到邊個topic，確保佢唔會甩底。
同時我哋會提前少少預習即將教嘅課題，等學生上堂嗰陣已經有基本概念，返到學校會上堂就好似溫書咁樣
想知會唔會先做評估（assessment）？
我哋唔使特登做assessment㗎
因為上完第一堂，基本上就已經睇到學生嘅水平同強弱項。
我哋會跟住學生嘅實際情況去決定點樣教，上完堂之後會同家長講返觀察，再一齊商量之後用咩方法跟進
我哋會按進度隨時調整，唔會硬撐一個模式，一齊為學生嘅成績進步加油
想知有冇試堂？
我哋暫時冇安排試堂服務㗎
我哋嘅做法係：正式上第一堂，嗰一堂已經足夠我哋觀察到學生嘅水平、強弱項同學習習慣
上完之後會同家長詳細講返我哋嘅觀察，同埋建議之後嘅教學方向，等大家清楚知道點樣幫到學生進步。
咁嘅安排對學生嚟講更加實在，因為第一堂已經係正式投入學習，唔會浪費時間喺「試」嘅階段，進度即刻開始
而且我哋冇任何捆綁式合約，上完覺得合適先繼續，隨時可以調整
想知語文科（中文/英文）嘅補習安排？
我哋對中文同英文嘅處理程序係一樣嘅。
點解會要求 一星期上到3堂，先至會幫學生補語文科呢？
因為語文科嘅服務目標係 幫助學生合格，而唔係追求高分，確保唔會影響到其他科嘅進度。
如果語文科同非語文科 一對一咁平均分配時間，心理上非語文科嘅成績同學習動機 必然會受影響
所以呢個安排係為咗學生嘅 長遠學習動機著想
想知請假或補堂點安排？
如果學生需要請假，可以提早通知我哋
我哋會安排補堂，盡量就返學生嘅時間，唔會白白冇咗一堂。
不過月費計劃係一個月上晒嘅，所以補堂會安排喺同一個月內完成，避免學習進度落後
想知點樣同家長溝通進度？
上完第一堂之後，我哋會主動 同家長講返觀察，包括學生嘅強項、弱項、建議嘅教學方向
之後會 保持定期溝通，例如每月匯報一次進度，或者有需要時隨時WhatsApp聯絡。
家長有任何問題或者想調整嘅地方，都可以隨時出聲，我哋會一齊商量
想知初中階段嘅課程理念係點？
小學嘅成績已經係歷史，中學係一個全新嘅開始，學生需要重新適應中學嘅讀書方法
學校嘅課程設計會用 中一至中二呢兩年時間，俾學生慢慢適應中學嘅學習思考模式，從中學習點樣解決困難同表達自己嘅想法。
到中三嗰年，就可以睇到學生嘅讀書方法適唔適合佢自己；
到中四，就係適者生存嘅時候，邊個嘅讀書方法有效，邊個就可以有內驅力同韌力去 乘風破浪、勢如破竹奪5*
所以我哋覺得初中最重要唔係死谷成績，
而係幫學生 打好讀書方法基礎、建立啱嘅讀書節奏，
等佢高中可以有內驅力同韌力去 乘風破浪、勢如破竹奪5*。
想知上堂地點喺邊度？
我哋嘅教室地點方便，位於 中西區西環第三街160地舖
想知學生要帶乜嘢上堂？
基本上，學生人嚟到，帶齊基本文具就得㗎喇
另外，帶埋課本會更好，方便佢喺屋企重新溫習已學嘅概念。
如果科目需要用到計數機（例如數學或Science），就記得帶埋～
想知點樣可以最快聯絡到你哋？
最方便係 WhatsApp 6308 3327聯絡我哋
無論係查詢、報名、時間調動，全部都可以用WhatsApp溝通，我哋會盡快回覆～